Francoren garaiko poliziek sortu zuten ZEN Planaren aurrekaria izan zena, ETAren aurka borroka egiteko. Hala dio, behintzat, Bigarren Mundu Gerraren ondoren CIAk (AEBetako Inteligentzia Agentzia Zentralak) Europan zehar banatutako eskuliburuak: Europako segurtasunerako dimentsio berriak. Europan Alderdi Komunisten aurka egitea zen CIAren helburua.
Baina, ZEN Planaren aurrekari zuzena 1977koa da, eta Francoren garaiaren ondorengo lehenengo Defentsa eta Barne Ministerioak sortu zuen. Armadak informe bat landu zuen Subertsiorako eta subertsioaren kontrako orientabideak izenekoa, eta ildo horretatik jorratu zuten ondoren ZEN Plana. Doktrina horren arabera, “ezker erradikala iraultza aurreko egoera sortzen ari zen Euskadin”.
Popularity: 9% [?]