“Gaur Gaztesarea da. Berdin dio zein den erabili duten aitzakia. Eta bihar? Norentzat asmatuko dute beste gezur bat?”, dio parkeko langileek atera duten oharrak. “Martin Ugalde Kultur Parkean ditugu oraindik guardia zibilak, leporaino armatuta, lankideak bahitu, torturatu eta Egunkaria itxi ziguten horiek beraiek. Gaur beste hedabide baten aurka ari dira”. (Berria-tik)

Adierazpen askatasunaren kontrako beste eraso bat sufritu dugu gaur: Gaztesarearen kontrakoa. ETA laguntzeko bonoak saltzea egotzi diete goizean. Errifa baten zenbakia argitaratzea eguerdian. SEGI finantzatzea, arratsaldean. Aitzakia edozein, eta emaitza ezaguna: hiru atxilotu. Bestalde, webgunearekin zer pasatuko den oraindik ez dakigu.

Berriro ere informazio askatasunaren kontrako beste eraso bat. Informazio librearen aurkakoa. Eta gazteen kontrakoa. Gazteak eta informazio librea arriskutsuak dira, baina, bereziki, deserosoak askorentzat. Hemendik ere, eta beste eraso baten aurrean, animoak Gaztesareako kide guztiei.

Informazio gehiago:

• Berria
• Sustatu
• GARA
• gaztelumendi.org
• indymedia eh
• zabaldu.com
• Basetxea gaztetxea
• UKberri.net
• Elomedia.com
• Judimendiko Gazte Asanblada
• etengabe
• Ttanttakun
• Txintxarriak
• Olabeagagorria
• Teketen
• Dabid Martinez
• Kazeta.info