Hiru hitzaldi izango dira datorren astetik aurrera, gure iritziz, oso interesgarriak. Gu ere bertan izango gara (izena eman behar da, astelehena baino lehen). Hona egitaraua:

Apirilak 26 (osteguna). Hizlari: Juan Varela (periodistas21.blogspot.com). Gaia: Testuinguruaren araberako komunikabideak. Garai zailetan informazio hartzaileei laguntzeko kazetaritza. 11:00etan, Andoaingo Martin Ugalde kultur parkean.

Maiatzak 8 (asteartea). Hizlari: Pablo Mancini (pablomancini.net). Gaia: Kazetaritza hackeatzen. Komunikabide banatuak eta hartzaileei begirako berrikuntza. 11:00etan, Donostiako Koldo Mitxelena kulturgunean.

Maiatzak 24 (osteguna). Hizlari: Vicent Partal (vilaweb.cat). Gaia: Komunitatea eta parte hartzea: egunkaria eta prentsa berriz asmatzen. 11:00etan, Andoaingo Martin Ugalde kultur parkean.

Poynter-eko Matylda Czarnecka-k zazpi arrazoi bildu ditu, enpresek kazetariak zergatik kontratatu behar dituzten azaltzeko.

1. Lantzen dituzten gaietan aditu bihurtzen dira.
2. Ikertzaile onak dira.
3. Kontaktuak dituzte.
4. Erredaktore eta editore onak dira.
5. Galdera onak egiten dituzte.
6. Baliabideak eskaintzen dituzte. Eta ez badituzte, bilatu egiten dituzte.
7. Kritikak jasotzera ohitura daude.

Jarraitzaileak hedabideari lotzeko, bi faktore aipatzen ditu Buttryk: “Komunitatean interesa duten pertsonak jarraitu eta beraiekin hitz egin”. Alegia, ez da hain garrantzitsua jarraitzaile kopurua. Antzeko interesak dituzten pertsonak identifikatu behar dira, eta hedabidean modu aktiboan parte hartzen dutenak ere bai. Ez da zenbakietan bakarrik geratu behar, nahiz eta komunitate konprometitu horrek hazten jarrai dezan lan egin behar den.

Helburua komunitate lokala bada, herrikoa, adibidez, Twellow edo Nearby Tweets erreminta baliagarriak izan daitezke. Izan ere, gure inguruan Twitter nork erabiltzen duen erakusten baitute. Komunitatean dauden erabiltzaileak identifikatu ondoren, euren harremana sortu behar da.

Hedabidearen Twitter kontuaren zeregina bide bakarrekoa bada (titularrak eta loturak eman), pertsonak ez dira konprometituko. Erabiltzaileen galderak erantzun behar dira, galderak egin darabilten informazioaz, RTak egin komunitateko bizitzari buruz dituzten ikuspegiez… Horrela konprometitzea lor daiteke.

Buttryren beste gomendio bat: Tweetbeep erabiltzea alertak konfiguratzeko, komunitatearekin lotutako gai edo erabiltzaile bati buruz norbaitek tuiteatzen badu, alerta jasotzeko.

1.- Planeta Web 2.0, de Cristobal Cobo y Hugo Pardo.
2.- Manual de uso del blog en la empresa, de Alberto Ortíz de Zárate.
3.- Geekonomia, de Hugo Pardo.
4.- Web 2.0, de Antonio Fumero y Genis Roca.
5.- La empresa en la web 2.0, de Javier Celaya (versión mobile).
6.- El libro blanco de los medios de comunicación on line.
7.- Claves del nuevo Marketing, varios autores.
8.- Nuevos modelos de gestión y función de los responsables de comunicación.
9.- Informe de Internet en España y el mundo.
10.- Uso de Internet en el móvil, tendencias de futuro, de Nielsen y Tap Tap.
11.- Publicidad digital para aerolíneas.
12- Estado de la blogósfera hispana en 2010.
13- La publicidad que viene.
14.- Evolución digital: el consumidor como media.
15.- Geolocalización, movilidad y recomendación.
16.- Blogs Corporativos, una opción, no una obligación, IESE 2009.
17- Los blogs en la comunicación empresarial en España.
18.- Cómo medir el ROI en Comunicación, por Novacom.
19- Herramientas digitales para periodistas.
20.- La sociedad de la ignorancia.

Beste bat gehituko nuke nik. Hasteko ez dago gaizki: Periodismo 2.0.

1. Iganderako deituta zegoena, kolpistek galarazi zutena, ez zen Zelaya betiko aukeratzeko errefereduma, edo biziarteko presidentetza lortzeko kontsulta. Ezta konstituzioa aldatzeko kontsulta ere. Loteslea izango ez zen kontsulta egin behar zuten, hondurastarrei galdera bakarra egiteko: ea gustatuko litzaieken azaroko hauteskundeetan Batzorde Konstituziogilea sortzea. Batzorde horrek Konstituzioa aldatuko luke. Laburbilduz, kaltegarria ez den kontsulta zen: galdetzea ea galdera egin zitekeen konstituzioa erreformatzeari buruz. Hori, bestalde, debekatua du Hondurasko Konstituzioak.
2. Hondurasko egungo Konstituzioaren arabera, presidentea behin bakarrik izan daiteke presidente, lau urtez. Zelayaren agintaldia aurten bukatzen da, eta edozein kasutan, ezingo luke berriro hauteskundeetara aurkeztu. Izan ere, azarorako ez litzateke onartuta egongo berak proposatzen duen aldaketa konstituzionala. Epe horretan, konstituzioa aldatu ahal izango litzatekeen bozkatu ahal izango lukete hondurastarrek. Besterik ez. Gainera, Zelayak berak behin baino gehiagotan esan du ez dela berriro aurkeztuko.
3. Legebiltzarra presidentearen kontra dago. Izan ere Zelaya,  lurjabe aberatsa eta  kontserbadorea, Alderdi Liberalaren buru aurkeztu zen hauteskundeetara. Ondoren, ezkerreko politika egin du eta Hugo Chavezekin aliatu da. Duela bi hamarkadatik bi alderdik agindu dute Hondurasen: Alderdi Liberalak (eskuin-zentroa) eta Alderdi Nazionala (eskuina). Duela egun batzuk, Kongresuak lege berri bat onartu zuen: hauteskundeen aurreko 180 egunetan edozein kontsulta mota egiteko debekua. Ad hoc araua da, Zelayaren errefernduma galarazteko sortutakoa.
4. Hondurasko Konstituzioa 1982ean idatzi zuten,  diktadura militar baten tutoretzapean. Diktadura horrek trantsizio bat adostu zuen. Berez, konstituzioa erreformatzeko erraza da –Kongresuko bi herenen adostasunarekin nahikoa da.  Orain arte, konstituzioak hainbat eta hainbat zuzenketa ditu-. Baina puntu batzuk salbuespenak dira, eta aldaezintzat dituzte: Aberriaren batasuna eta presidentea berriro aukeratu ezina (presidente berdina berriro ez hautatzeko erabakia mendearen hasieran jarri zuten martxan, gai horren ondorioz hainbat gerra zibil izan zituztelako).  Konstituzioak laugarren artikuluan dioenez, “Errepublikaren presidentzian txandatzea” derrigorrezkoa da eta arau hori haustea “Aberriaren kontrako traizio delitutzat” du.  Eta horri heldu diote kolpistek. Diotenez, Zelaya, erreforma planteatze hutsagatik, dagoeneko traidorea da. Zelayak dio ez dela horrela, berak ez baitu berriro aurkezteko asmorik, eta hori omen litzateke traidorea izatea. Argiagoa da 239. Artikulua: “Botere exekutiboaren titulartasuna izan duen herritarrak ezingo du Errepublikako presidente edo presidenteorde izan berriro. Arau hori hausten duenak, edo erreforma proposatzen duenak, eta, era berean, zuzenki edo zeharka babesten dutenek , berehala utzi beharko dute kargua eta edozein funtzio publiko betetzeko gaitasunik gabe utziko dira hamar urtez”.
5. Sententziak, konstituzioa eta lege berriak aurka izan arren, Zelayak erabili zuen argudioa honakoa izan zen: ez zela erreferenduma, inkesta bat baizik. Hondurasen, bozkatzea derrigorrezkoa da. Baina Zelayaren kontsultan ez zen horrela, hautazkoa zen. Sententziak saihesteko, “inkesta” Hondurasko CIS izan daitekeenak egin behar zuen, alegia, bertako Estatistika Institutu.ak Oposizioak, bere aldetik, kontsulta manipulatua egongo litzatekeela argudiatu zuen. Izan ere, presidentearen menpe dagoen organismo batek zenbatuko lituzke botoak.
6. Auzitegi Gorenak Hondurastik kanporatu du Zelaya (kolpisten azalpen surrealistaren arabera). Baina Auzitegi Goren hori ez da Europako Auzitegi Gorenen parekoa. Hona izen osoa: Hauteskunde Auzitegi Gorena. Justizia Gorte Gorenak bezala, Parlamentuko kideek osatzen dute (Zelayaren kontra dauden alderdietako kideek, kolpistek, kolpe militarra ontzat eman dutenek).  Eta bere eginbeharren artean dago hauteskundeak arautzea, baina ez aukeratuak izan diren presidenteak atxilotzea. Eta ez da izan “instituzio” horren azpijoko bakarra. Espero ez zuten arren, Zelayak hauteskundeak irabazi zituenean, HAG-k hilabete atzeratu zuen kargu hartzea, aitzakia teknikoekin.
7. Juridikoki ezinezkoa da presidenteak kargua uztea, ejerzitoak goizaldean etxean atxilotu duelako eta herrialdea uztera behartu duelako. Kolpistek Zelayaren gutun bat faltsutu dute. Bertan Zelayak dimisioa ematen omen zuen–noski, Zelayak ukatu egin du gutun hori idatzi izana-. Gutun horretan dimisioa emango luke osaasun arazoak direla eta. Kongresuak atzo bozkatu zuen kargugabetzea eta presidente berria izendatu dute, karta hori argudio moduan erabili dute. Gutuna ekainaren 25ekoa da, kolpea baino hiru egun lehenagokoa. Zergatik? Ziurrenik hori izango zen militarrek aurreikusitako data eta, gero, hain izan ziren leloak, ez zutela data aldatu.
8. Presidentearen aurkako oposizio politikoak aspaldi darabil botere judiziala gobernuari boikota egiteko. Hainbat gertaera surrealista izan dira. Zelayak erregai kontsumoa eta kutsadura murriztu nahi zituen, esaterako. “Gaur ez dute zirkulatuko” deitu zion sortu nahi zuen legeari. Mexiko DFn duela hainbat urte martxan dagoenaren antzekoa zen. Astean egun batez auto guztiak gelditzea zen Zelayaren legearen helburua. Justizia Gorte Goernak inkonstituzional izendatu zuen.

• Zenbait lotura eta atzizkien inguruan sortzen direnak.
  * -ela lotura, adibidez. Komatxoetatik at atera behar da beti.
  * -tzeko lotura. Komatxo barruan.
  - “ETArekin ez negoziatzeko” eskatu du Gobernuak. (ondo)
  - “ETArekin ez negoziatze”ko eskatu du Gobernuak. (gaizki).
  * Deklinabideak sortarazitako arazoak: -tzat atzizkiarekein, adibidez. Komatxo barruan:
  - Sailburuak “ezinezkotzat” jo zuen horrelako irregulartasunak frogatzea. (ondo)
  - Sailburuak “ezinezko”tzat jo zuen horrelako irregulartasunak frogatzea. (gaizki).

• Komatxo barruan lehen pertsona aditz bat (naiz, dut, zaigu, ginen…) edo izenorde bat (nik, gure…) agetzen bada, ezin da –ela lotura egin.
  * “Nire jokalariak oso gaizki aritu” zirela esan zuen. (gaizki)
  * “Nire jokalariak oso gaizki aritu ziren”, esan zuen. (ongi)
  * Bere jokalariak oso gaizki aritu zirela esan zuen. (ongi)
  Gauza bera gertatzen da –enez loturararekin:
  * “Nire jokalariak oso gaizki aritu dira”, esan zuenez. (gaizki)

• Komatxoen artean bi aditz izanik, -ela lotura bakarra ez da nahikoa.
  * Ondorioz, ereduak nahasten dituzten zentroetan “irakasle gehienak erdaldunak izango dira eta eskolaren beraren bizitza erdaraz egingo” dela salatu zuen (gaizki dago. Eta… egingo” dela zatar hori saihestuta ere gaizki dago):
  * Ondorioz, ereduak nahasten dituzten zentroetan “irakasle gehienak erdaldunak izango dira eta eskolaren beraren bizitza erdaraz” egingo dela salatu zuen.
  Gaizki dago –ela bakar bakar batek ezin dituelako bildu bi osagarri: irakasle gehienak erdaldundak izango dira / eskolaren beraren bizitza erdaraz egingo da. Konponbidea? Komatxorik batere gabe egin daiteke, edo zeinbait hitz komatxo artean sartuz; modu batean zein bestean nahitaez bi –ela behar dira.
  * Ondorioz, ereduak nahasten dituzten zentroetan irakasle gehienak eraldundak izango direla eta eskolaren beraren bizitza erderaz egingo dela salatu zuen. (ondo)
  * Ondorioz, ereduak nahasten dituzten zentroetan “irakasle gehienak erdaldunak” izango direla eta “eskolaren beraren bizitza erdaraz” egingo dela salatu zuen. (ondo)

• “Hau” esan zuen eta “beste gaineratu formula gogaikarria da. Edo beste hau, are okerragoa: “hau” esan zuen, “bestea” gaineratuz. Lotura okerra da eta aditz batekin nahikoa da. Arazo hori berdin-berdin ager daiteke komatxoen artean eman edo ez. Ondorengo adibidean komatxorik gabe dugu.
  * Aurreko emanaldietan aretoak leporaino bete direla ziurtatu zuen, atzoko ikuskizunetarako sarrerak agortuak zirela gaineratuz. (gaizki)
  * Aurreko emanaldietan aretoak leporaino bete direla ziurtatu zuen, eta atzoko ikuskizunetarako sarrerak agortuak zirela. (ondo)

Horri buruzko post-a egitea zen gure helburua, baina ez dugu errepikakorrak izan nahi. Beraz, honi buruz Zuzeun idazitakoa irakurtzea gomendatzen dizuegu. EITBn egin dituzten aldaketak ditu mintzagai A. Osinaldek: Nola geratuko da EITB?