Mendebaldeko kazetaritzaren helburua "neutraltasuna" mantentzea da, baina hori iruzurra da (Michel Collon)
Header

1. Informazioa bildu (Yahoo Pipes)

October 4th, 2010 | Posted by Zentik in Kazetaritza Berria - (0 Comments)

Informazioa biltzeko oso tresna interesgarria da  Yahoo Pipes, kazetarien lanerako ia ezinbestekoa dela ere esango nuke. Guk duela ia bi urte erabiltzen dugu Oarsoaldeko Hitzan eta asko errazten digu lana. Goazen pixkanaka.

Zer da Yahoo Pipes?

Gorka Julioren (teketen) definizioa erabiliko dut: Zenbait zerbitzu nahastu, iragazi eta jario batean jartzeko aukera ematen duen tresna da. Orain arte informazio gehiegi zuten jarioetatik interesgarria zena ateratzeko zailtasunak izaten genituen, tresna honen bidez hori egin daiteke. Orain arte RSS jarioen erabilera jario irakurgailu baten bidez jariora harpidetu eta informazioa jasotzea bazen, tresna honen bidez aukera horiek asko zabaltzen dira.

Nola sortu?

Honetan sartzea konplikatu samarra izan daiteke kazetariontzat. Nik Juliok sortutako pipe-a eta guk erabiltzen duguna erakutsiko dizuet.

Helbidea

http://pipes.yahoo.com/pipes/pipe.info?_id=RJkDASlI3RG_3dQzJhOy0Q

Nola erabili?

Helbideak klik egin eta webgunera iritsiko gara.

Webgunearen erdian hiru hutsune daude. Gure kasuan, eskualdeko herrien izenak sartu ditugu, euren adiera ezberdinetan. Esaterako: Orereta, Errenteria eta Renteria. Kontua interesatzen zaizkigun hitz gakoak sartzea da. Horiek bilatuko ditu pipe-ak.

Orereretarekin adibidea

Ondoren, run pipe botoia sakatu (eskuinean). Hitz horiek dituzten testuen zerrenda aterako zaigu.

Guk get as rss sakatuko dugu (run pipe botoiaren azpian), rss jarioa eskuratzeko.

Rss jarioaren helbidea edukita, gure jario irakurgailuan txerta dezakegu, edota gure nabigatzailean. Baina gogoratu, nabigatzaileetako laster marketan sartuz gero, ezingo ditugu pipe-aren emaitzak ikusi gure ordenagailuan ez bagaude.

Martxan dago

Behin martxan dagoenean, trena honek guk eskatutako horren emaitzak emango dizkigu, etengabe, arakatzen dituen guneak euren jarioa berritu ahala. Bilaketa pertsonalizatua eskaintzen digu.

Jario irakurgailuak bezala, postako alertak baino askoz ere erosoagoa da sistema hau erabiltzea. Alertak baino azkarragoa da eta askoz webgune gehiago arakatzen ditu. Gainera, arakatzeko webguneak gehitu ahal zaizkio edozein momentutan.

, , ,

1. Informazio bildu (jario irakurgailuak)

October 3rd, 2010 | Posted by Zentik in Kazetaritza Berria - (0 Comments)

Egun Interneti esker dugun informazio fluxua gure beharren arabera antola dezakegu jario irakurgailuekin.

Jarioak (ingelesez feed, RSS channel, RSS feed etab. ere deituak) irakurtzeko erabiltzen diren programak dira. Hauek nagusiki bi motatakoak izan daitezke, web aplikazioak, edota gure ordenagailuan instalatzeko programak.

Instalatzeko jario irakurgailuak

Gure ordenagailuan instalatu ondoren, nahi dugun jarioetara harpidetzea besterik ez dugu eta bertan ikusiko ditugu dagoeneko harpidetuta gauden webgune edo web zerbitzuetako berriak. Era honetako programak erabiliz gero, gure ordenagailuan ez gaudenean harpidetuta gauden jarioak ezingo ditugu ikusi. Adibide batzuk:

Web aplikazio jario irakurgailuak

Oso sistema erosoa da, jarioak edozein ordenagailutik irakurri ahal izango baititugu. Doakoak izan ohi dira eta izena eman besterik ez da egin behar. Hauetako batzuk:

Hiru pauso eman behar dira jario irakurgailuak erabiltzen hasteko:

  1. Irakurgailua aukeratu.
  2. Kanala topatu.
  3. Irakurgailura gehitu.

1. Irakurgailua aukeratu: Google Reader/Feedly.

Nik Google Reader erabiltzen dut, horixe suertatu zaidalako erosoena (bertan egin ditut harpidetzak, baina feedlyn ikusten ditut, bisualagoa da). Karpetetan antolatzen da informazioa. Gustuen arabera, garrantziaren arabera… azkarrago ikusteko edo irakurtzeko balio du. Korreoaren antzekoa da.

2. Kanala topatu.

RSS edo ikono naranja topatu interesatzen zaigun webgunean. Webgune gehienek hainbat kanal dituzte: azken albisteak, gaika, herrika… Gainean klik egin helbidea lortzeko.

3. Harpidetu.

Topatutako helbide hori kopiatu eta zure irakurgailuan itsatsi. Argibideak jarraitu eta harpidetuta zaude.

Zertara harpidetu gaitezke?

- Interesatzen zaizkigun gaietara.
- Blogetara.
- Bilaketa zehatz batera.
- Bideoetara.
- Podcast edo irratsaioetara.
- …

Helburua da RSS teknologiek guretzako lan egitea.

Oraindik ere, askotan, Google-eko alertak jasotzen ditugu, gai edo termino baten inguruan. Alerta horiek webean dagoen informazio guztitik ateratzen ditu Googlek, guk aukeratutako hitz hori topatzen eta posta elektronikora bidaltzen dizkigu.

Informazio asko dago Interneten, baina teknologia inteligentea behar dugu arakatu ahal izateko. Eta posta elektronikoa ez da horretarako erreminta, alertak eta buletinak bertan jaso ditzakegun arren.

Jario irakurgailuekin askoz informazio gehiago jaso dezakegu, denbora askoz gutxiagoan.

RSS teknologiek informazio kanal batera harpidetzeko aukera ematen dute, eta ondoren informazio hori zure nabigatzailean edo zure RSS irakurgailuan jaso ahal izatea.  Alegia, egunero webguneetara joan beharrean, informazioa jaso dezakegu bertatik. RSS kanalak konfiguratu ditzakegu, eta eurek egin dezatela lan hori gure ordez.

Doakoa da, eta albiste guneek, bereziki, erabiltzen dute, etengabe informazioa ematen duelako. Ez gara hasiera orrira joaten, artikuluan hasten gara, gehienetan.

, , ,

1. Informazioa bildu

October 2nd, 2010 | Posted by Zentik in Kazetaritza Berria - (0 Comments)

Google erabiltzeko ohitura dugu denetariko informazioa biltzerako orduan, baina mila modu daude informazioa bilatzeko, bilatu nahi dugunaren arabera.

Bilatzaile orokorrak: informazioa bilatzeko eta berreskuratzeko.

Albiste bila: gertakariak eta horiei buruzko informazioa bilatzeko.

Blogak: blogak eta horietako informazioa bilatzeko.

Web zerbitzuak: Erabiltzaileek beste nonbaiteko eduki interesgarria topatzen dute eta horietara igotzen dituzte, jendeak irakurri eta bozkatu ditzan. Bozkatuenak azalera ateratzen dira.

Argazki bila: non bilatu argazkiak?

Bideo bila: non bilatu?

,

Kazetaritza ßerria

October 2nd, 2010 | Posted by Zentik in Kazetaritza Berria - (0 Comments)

Badira hilabete batzuk kategoria hau sortu nuela, baina oraindik ez dut artikulurik publikatu. Azken urtean-urte eta erdian, informazio bildu eta ikertzen ibili naiz kazetaritza berriari buruz. Ondorioa: ez dago errezeta magikorik.

Hala ere, hainbat eta hainbat apunte prestatzen joan naiz, kazetari berriek beharko ditugun tresnei buruz. Proiektu baterako prestatzen ari nitzen eta ondoren, hona igotzea nuen helburu. Proiektua atera ez denez, bildutako informazioa hemen igotzen joango naiz pixkanaka.

Baliagarria izango zaizuela espero dut.