Zentik » Ohiko akatsak

Gerundio

Zentik — Mon, 28 Jun 2010 14:01:45 +0000

Gerundioak honako hauek adierazten ditu: aldi berean gertatutakoak (‘erronka jo zion, aurrez aurre so eginez’) eta instrumentaltasuna edo modua (‘pilota gogor joz erantzun zion’). Beraz, besteetarako erabiltzea ez da egokia.

Beste helegite bat aurkeztuko duela jakinarazi zuen atzo, arrazoia emango diotela gaineratuz*.
Beste helegite bat aurkeztuko duela jakinarazi zuen atzo, eta arrazoia emango diotela gaineratu.

Gerturatu

Zentik — Sun, 27 Jun 2010 14:00:40 +0000

Gerturatzen dena ez da iristen helmugaraino.

Gauero haren etxera gerturatzen ginen, eta askotan elkarrekin afaltzen genuen*.
Gauero haren etxera joaten ginen, eta askotan elkarrekin afaltzen genuen.

Gertakariak jazo*

Zentik — Sat, 26 Jun 2010 13:58:26 +0000

Kontuz kazetaritzako klixeekin. Gogaikarriak dira, ezin artifizialagoak eta guztiz alferrikakoak. Gainera, joskera bihurritzea ekartzen dute askotan.

Iruñeko Alde Zaharrean jazo ziren gertakariak, auto batek bi emakume harrapatu zituenean*.
Iruñeko Alde Zaharrean, auto batek bi emakume harrapatu zituen.
Iruñeko Alde zaharrean izan zen istripua: auto batek bi emakume harrapatu zituen.

Gerrilla, gerrillari

Zentik — Fri, 25 Jun 2010 13:57:36 +0000

EZ: Gerrila*, gerrilari*.

Gerriko

Zentik — Thu, 24 Jun 2010 13:56:54 +0000

Autoetakoa, ‘(segurtasun) uhal’.

Gerra zibil

Zentik — Wed, 23 Jun 2010 13:55:25 +0000

Espainiakoari ’36ko gerra’ edo ‘Espainiako gerra’ esaten zaio.

Genero

Zentik — Tue, 22 Jun 2010 13:52:13 +0000

Genero 1: Hona hemen zinema genero batzuen izenak: biopic, drama, komedia, peplum, polizia film, road movie, spaghetti western, thriller, western, zientzia fikzio.

Genero 2: Kulturak eta gizarteak sexu bakoitzari ezartzen dioten rola.
Genero indarkeria emakumeen kontrakoa izan ohi da, eta haurren kontrakoa ere bai.

Sexu: biologikoa.

Generalitat

Zentik — Mon, 21 Jun 2010 13:51:11 +0000

Deklinatzeko orduan ‘e’ epentetikoa erabiltzen da: Generalitatea, Generalitateak, Generalitatearekin.

General*

Zentik — Sun, 20 Jun 2010 13:49:41 +0000

Egokia: Jeneral.

Gehiengo

Zentik — Sat, 19 Jun 2010 13:48:35 +0000

Gehiengo motak: gehiengo erlatiboa edo soila, gehiengo absolutua edo osoa, eta gehiengo berezia. Nolanahi ere, oro har, neurriz erabiltzekoa da.

Herritarren gehiengoak bozkatu du*. Herritar gehienek bozkatu dute.