Kazetaritzako klixe gogaikarria da ‘gaurkoan’ erabiltzea. Aski da ‘gaur’. Marco Ferrerik film interesgarriak egin zituen, eta gaurkoan horietako bi ikusteko aukera izanen dugu*/ Marco Ferrerik film interesgarriak egin zituen, eta gaur horietako bi ikusteko aukera izanen dugu.
Ez erabili ‘larri’ adierazteko. Istripu garrantzitsua izan da Erletxen* / Istripu larria izan da Erletxen.
Hobe: irabazi. Atletico Madrilen aurka lortutako garaipenak lasaitasuna ekarri dio taldeari*. Atletico Madrili irabazi izanak lasaitasuna ekarri dio taldeari.
Ganbara: teilatupeko solairua. Ganbera 1. Erakunde izena: Behe Ganbera, Goi Ganbera, Kontu Ganbera, Laborantza Ganbera, Lorden Ganbera, Merkataritza Ganbera. Ganbera 2. Gela: ganbera musika.
Egokia: gaitzetsi. Zarauzko atentatu saioek erakunde eta alderdien gaitzespena jaso dute*. Erakundeek eta alderdiek gaitzetsi egin dituzte Zarauzko atentatu saioak.