Zentik » aposizio http://zentik.info Mendebaldeko kazetaritzaren helburua "neutraltasuna" mantentzea da, baina hori iruzurra da (Michel Collon) Mon, 21 May 2012 13:03:55 +0000 en hourly 1 http://wordpress.org/?v=3.3.2 Aposizio itxurako tartekiak http://zentik.info/2009/07/aposizio-itxurako-tartekiak/ http://zentik.info/2009/07/aposizio-itxurako-tartekiak/#comments Fri, 17 Jul 2009 13:29:29 +0000 Zentik http://zentik.info/?p=546 Read more →]]> Zenbaitetan, tarteki moduko batzuk egoten dira aposizioaren tokian, egiaz aposizio izan gabe. Dagokien sintagma absolutiboan (nor kasuan) egonez gero, ez dago arazorik:
Sei mila atleta, 35 eta 95 urte artekoak [denak/guztiak...], Donostiara etorri dira egunotan.

Gainerako kasuetan, ordea, komeni da marra luzeen artean jartzea, tokiz aldatzea edo beste esaldi bat egitea.
Hobetzekoa: Europako atletek, 35 eta 95 urte artekoak, proba guztietan hartuko dute parte Beteranoen Munduko Txapelketan.
Hobea: Europako atletek —35 eta 95 urte artekoak [denak/guztiak...]— proba guztietan hartuko dute parte Beteranoen Munduko Txapelketan.
Hobea: Europako atletek proba guztietan hartuko dute parte Beteranoen Munduko Txapelketan. Guztiak 35 eta 95 urte artekoak dira.

]]> http://zentik.info/2009/07/aposizio-itxurako-tartekiak/feed/ 0 Aposizio komaduna, batzuetan traban http://zentik.info/2009/07/aposizio-komanduna-batzuetan-traban/ http://zentik.info/2009/07/aposizio-komanduna-batzuetan-traban/#comments Thu, 16 Jul 2009 13:24:38 +0000 Zentik http://zentik.info/?p=543 Read more →]]>
  • Aposizio komadunak traba egiten du galdegaiaren eta aditzaren artean dagoenean. Beraz, horrelakoetan hobe da ordena aldatzea.
    Hobetzekoa: Alemanian, Lutherren jatorrian, egin dute batzar nagusia.
    Hobea: Alemanian egin dute batzar nagusia, Lutherren jatorrian.
    Hobea: Lutherren jatorrian egin dute batzar nagusia, Alemanian.
    • Menpeko perpaus baten barrenean, hobe da komarik gabeko formak erabiltzea.
      Hobetzekoa: Dick Cheneyk, AEBetako presidenteordeak, esan duenez, ez dago ados batzordeko buruekin.
      Hobea: Dick Cheney AEBetako presidenteordeak esan duenez, ez dago ados batzordeko buruekin.
      Hobea: AEBetako presidenteorde Dick Cheneyk esan duenez, ez dago ados batzordeko buruekin.

    Beste aukera bat ere badago: menpekoa esaldi nagusi bihurtzea.
    Dick Cheneyk, AEBetako presidenteordeak, esan du ez dagoela ados batzordeko buruekin.

    • Noren eta nongo kasuekin, komeni da komarik gabeko formak erabiltzea, eten handiegia sortzen baitu koma tarteak:
      Hobetzekoa: Asko gustatu zaio Steven Cohenen, Bill Clintonen kolaboratzailearen, ideia.
      Hobea: Asko gustatu zaio Bill Clintonen kolaboratzaile Steven Cohenen ideia.
      Hobea: Asko gustatu zaio Steven Cohenen ideia. Bill Clintonen kolaboratzaile da Cohen.
    • Aposizioak esaldia zamatzen badu, hobe da aditzaren ondora eramatea.
      Hobetzekoa: Juventuseko entrenatzaileak, gainera, Roberto Padini, taldeko jokalaririk zaharrena, beste postu batean jarri zuen.
      Hobea: Juventuseko entrenatzaileak, gainera, beste postu batean jarri zuen Roberto Padini, taldeko jokalaririk zaharrena.
    ]]>     http://zentik.info/2009/07/aposizio-komanduna-batzuetan-traban/feed/ 0     Aposizioak egiteko hiru modu http://zentik.info/2009/07/aposizioak-egiteko-hiru-modu/ http://zentik.info/2009/07/aposizioak-egiteko-hiru-modu/#comments Wed, 15 Jul 2009 13:17:47 +0000 Zentik http://zentik.info/?p=541 Read more →]]> 1. Komaduna.
    Askotan, bi komako aposizioarekin egiten da esaldia hobekienik; beste batzuetan —ingurua nolakoa den—, komarik gabe. Gehienetan, bi komako egitura lagungarri izaten da, esaldi zatiak mugatzen dituenez gero.

    Hobetzekoa: Haserre agertu zen atzo Iñigo Urkullu Eusko Legebiltzarreko Giza Eskubideen Batzordeko presidentea Biktimen Ponentzia iraunkorraren egitekoaren inguruan PPk eta PSE-EEk sortutako polemikagatik.
    Hobea: Haserre agertu zen atzo Iñigo Urkullu, Eusko Legebiltzarreko Giza Eskubideen Batzordeko presidentea, Biktimen Ponentzia iraunkorraren egitekoaren inguruan PPk eta PSE-EEk sortutako polemikagatik.

    • Koma tarteko aposizioetan, berdin deklinatzen dira bi osagaiak.
      Dick Cheneyk, AEBetako presidenteordeak, ez du deus esan.
      Dick Cheney, AEBetako presidenteordea, ez dago ados batzordeko buruekin.
    • Horrelako aposizioetan ere jarri behar izanez gero, aurreneko elementuaren ondotik idazten da.

    Hobetzekoa: Zuzenduko duen orkestra ez ezik, emango duten obra, Fidelio ere, ondo ezagutzen du Gomez Martinezek.
    Hobea: Zuzenduko duen orkestra ez ezik, emango duten obra ere, Fidelio, ondo ezagutzen du Gomez Martinezek.

    2. Komarik gabea.

    • Aposizioa komarik gabe idatziz gero, azken osagaia bakarrik deklinatzen da.
      Dick Cheney AEBetako presidenteordeak ez du deus esan.
      Dick Cheney AEBetako presidenteordea ez dago ados batzordeko buruekin.
    • Bi izen berezi segidan doazenean, ez da komeni komarik gabeko aposizioa erabiltzea:

    Hobetzekoa: Jackson Bushen aholkulariak argi eta garbi hitz egin du.
    Hobea: Jacksonek, Bushen aholkulariak, argi eta garbi hitz egin du.
    Hobea: Bushen aholkulari Jacksonek argi eta garbi hitz egin du.

    3. Molde klasikoa:

    • Horrelakoetan, azken osagaia bakarrik deklinatzen da, eta ez da komarik jartzen.
      AEBetako presidenteorde Dick Cheneyk ez du deus esan.
      AEBetako presidenteorde Dick Cheney ez dago ados batzordeko buruekin.
    ]]>     http://zentik.info/2009/07/aposizioak-egiteko-hiru-modu/feed/ 0